Նոյեմբերի 17-ը Ծխելուց հրարաժարվելու միջազգային օրն է

Ամեն տարի աշխարհի շատ երկրներում նոյեմբերի երրորդ հինգշաբթի օրը նշվում է ծխելուց հրաժարվելու միջազգային օրը (No Smoking Day):  Այն սահմանվել է 1977թ. Ամերիկյան ուռուցքաբանության հասարակության կողմից (American Cancer Society):

Առողջապահության համաշխարհային կազմակերպության տվյալներին համաձայն.

• աշխարհում թոքերի ուռուցքից մահացությունների 90%-ը, քրոնիկական բրոնխիտից մահացությունների 75%-ը, սրտի իշեմիկ հիվանդությունից մահացությունների 25%-ը պայմանավորված է ծխելով,

• երկրագնդի վրա ամեն տաս վայրկյանը մեկ մահանում է մեկ մոլի ծխող (2020թ. այս թիվը կարող է բարձրանալ մինչև մեկ մարդ՝ յուրաքանչյուր երեք վայրկյանը մեկ),

• Ռուսաստանում ծխում է նվազագույնը յուրաքանչյուր տասներորդ կինը,

• այսօր մոլի ծխող կարելի է անվանել ռուսաստանի տղամարդկանց 50-60% (քաղաքացիների  որոշ տեսակների մոտ այդ թիվը հասնում է 95%),

• ծխելը և դրա առաջացրած հիվանդությաուններն ամեն օր Ռուսաստանի միլիոնավոր քաղաքացիների համար մահվան պատճառ են դառնում:

Ծխելուց հրաժարվելու միջազգային օրվա նպատակը.

Նպաստել ծխախոտային կախվածության տարածվածության իջեցմանը, ծխելու դեմ պայքարի մեջ ներգրավել բնակչության բոլոր շերտերին և բոլոր մասնագիտություններով բժիշկներին, կանխարգելել ծխախոտ ծխելը և հասարակությանը տեղեկացնելը առողջության վրա ծխախոտի կործանարար ազդեցության մասին:

Հարցմանը մասնակցած քաղաքացիների 47%-ը ծխելը համարում են վնասակար սովորություն, 38%-ը՝ կախվածություն, 9%-ը՝ անբուժելի հիվանդություն, իսկ հարցմանը մասնակցած մարդկանց 6%-ը չկարողացան որոշել ծխելու նկատմամբ իրենց վերաբերմունքը:

Հարցմանը մասնակցած մարդկանց 22%-ը ծխելու վտանգավոր հետևանքների մասին տրված հարցին  չկարողացավ պատասխան տալ : Հարցվածների 35%-ը  ծխախոտն օգտագործելու արդյունք համարում են թոքի ուռուցքը, 25%-ը` բրոնխիտը և թոքերի այլ հիվանդությունները, 12%-ը նշել են սիրտանոթային հիվանդությունները, 6%-ը` պալարախտը:

Հարցվածների 12%-ի կարծիքվ ծխելը թողնելը հեշտ է, 56%-ը գտնում են, որ դա դժվար է, 4%-ը` անհնար, իսկ 28%-ը չեն մտածել այս հարցի շուրջ: Ընդ որում, հարցվածների 21%-ը փորձել են ծխելը թողնել, սակայն՝ անօգուտ:

Ծխելուց հրաժարվելուն օգնող կենտրոնների գոյության մասին գիտեին հարցվածների 30%-ը, իսկ 70%-ը՝ չգիտեն:

Հարկ է նշել, որ ծխելու վնասակար ազդեցությունների վերաբերյալ լավ տեղեկացվածության հետ մեկտեղ, քաղաքացիներից քչերն են փորձում խուսափել նիկոտինային կախվածությունից: Կա´մ մարդը չի գիտակցում իր առողջության վրա ծխախոտի թողած վնասի ողջ ծանրությունը, կա´մ մտածում, որ ինքը հիվանդություններից զերծ կմնա, կա´մ էլ ծխելու սովորությունն այնքան մեծ է, որ հնարավոր չէ դրանից հրաժարվել:

Հարցեր, պատասխաններ, մեկնաբանություններ